Verslun

Í verslun / þjónustudeild eru seldar vörur til þjóðbúningagerðar, áhöld og efni í vefnað og í íslenskan útsaum. Lesa meira.

Námskeið

Heimilisiðnaðarfélagið býður upp á fjölda námskeiða á hverju ári. Smelltu hér til að kynna þér úrval námskeiða okkar.

Útgáfa

Sjónabók er handrit með munstrum sem notuð voru í útsaumi, vefnaði og til ýmissa hannyrða áður fyrr. Lesa meira.

Bútasaumur, orkering, þæfing og knipl

Bútasaumur

butasaumurFarið er yfir grunnatriði bútasaums; notkun á stikum, skurðarhnífum og öðrum áhöldum. Miðað er við að nemendur ljúki við stykki á stærð við dúk eða barnateppi (80x80/100 cm). Nemendur læra að sauma ferninga og þríhyrninga, setja saman yfirborð, vatt og bak, einfalda stungu o.fl. Koma þarf með saumavél, efni, tvinna, skæri, títuprjóna, skurðamottu, hníf, stiku og önnur áhöld sem geta nýst.

Kennari: Sigríður Poulsen.
Lengd námskeiðs: 2 skipti = 6 klst.
Tími: 6. og 13. febrúar - þriðjudaga kl. 18 - 21.
Námskeiðsgjald: 14.400 kr. (12.960 kr. fyrir félagsmenn) - efni er ekki innifalið.

Orkering

orkering framhaldKennd er grunnaðferð við að hnýta blúndur með sérstakri skyttu. Nemendur læra að lesa uppskriftir bæði skrifaðar og eftir teikningum. Orkeraðar blúndur eru til dæmis notaðar framan á peysufataermar, í skartgripi, dúka eða aðra skrautmuni.

Kennari: Astrid Björk Eiríksdóttir.
Lengd námskeiðs: 4 skipti = 12 klst.
Tími: 7., 14., 21. og 28. febrúar - miðvikudaga kl. 18:30 - 21.30.
Námskeiðsgjald: 32.300 kr. (29.070 kr. fyrir félagsmenn) - garn, skytta og heklunál er innifalið.

Þæfð tröll - örnámskeið!

troll 1Nemendur læra þurrþæfingu ullar með því að gera lítil og skemmtileg tröll. Við verkið er notuð íslensk ull, þurrþæfingarnál og svampur. Tröllin má skapa eftir eigin höfði og skreyta að vild. Í lok námskeiðsins fá þátttakendur með sér ull og áhöld svo unnt sé að halda áfram við sköpunina heima. Tilvalið námskeið fyrir fjölskyldur! Eitt gjald fyrir fullorðin og 1-2 börn.

Kennari: Ragnheiður Sjöfn Jóhannsdóttir.
Lengd námskeiðs: 1 skipti = 3 klst.
Tími: 4. mars - sunnudag kl. 11-14.
Námskeiðsgjald: 7.500 kr. (6.750 kr. fyrir félagsmenn) - efni og áhöld innifalin.

Kniplaðir smáhlutir - hjörtu, blóm o.fl.

Knipl ornamskeidKnipl byggir á að þræði á litlum trékeflum er brugðið á ákveðin hátt utan um títuprjóna svo úr verður blúnda. Á námskeiðinu eru kynntir þeir fjölbreyttu möguleikar sem felast í gerð ýmissa smáhluta. Námskeiðið er ætlað þeim sem kunna undirstöðuatriði í knipli en byrjendur eru líka velkomnir. Nemendur fá til eignar eftir námskeiðið efni og áhöld til að halda áfram að knipla.

Kennari: Anna Jórunn Stefánsdóttir.
Lengd námskeiðs: 2 skipti = 6 klst.
Tími: 11. og 18. apríl - miðvikudaga kl. 18 - 21.
Námskeiðsgjald: 16.000 kr. (14.400 kr. fyrir félagsmenn) - efni er innifalið.

Heimilisfang

Heimilisiðnaðarfélagið

Nethyl 2e

110 Reykjavík

 

 

Hafðu samband

Sendu okkur tölvupóst á This email address is being protected from spambots. You need JavaScript enabled to view it.

Hringdu í síma 551 5500

Kíktu til okkar í Nethyl 2e