Aðalfundur
Aðalfundur var haldin 15. maí 2019 - fundargerð aðalfundar má sjá hér.
Prjónakaffi
Prjónakaffið er komið í sumarfrí - júní, júlí og ágúst. Næsta prjónakaffi er fyrsta fimmtudagskvöldið í september þann sjötta.
Prjónakaffi Heimilisiðnaðarfélagsins, er haldið í húsnæði félagsins, Nethyl 2e, Reykjavík (sjá staðsetningu hér) mánaðarlega, alltaf fyrsta fimmtudag í mánuði, húsið opnar kl. 19 en kynningar hefjast kl. 20.00.
Prjónakaffið er frábær vettvangur handverksfólks til að hittast og bera saman bækur sínar og verkefni. Í hverju prjónakaffi kemur gestur og kynnir hugðarefni sitt, oftast eitthvað sem tengist handverki á einhvern hátt. Það eru allir velkomnir í prjónakaffi. Kaffi og meðlæti selt á sanngjörnu verði á staðnum.
Opið hús
Þriðja miðvikudag í mánuði, kl. 13:00 - 16:00 er opið hús í Nethylnum. Þá bjóðum við öllum félagsmönnum og gestum þeirra sérstaklega í heimsókn. Það er heitt á könnunni og oftast eitthvert meðlæti.
Það er hægt að koma með handavinnuna með sér, eða ekki, og eiga notalegt spjall við starfsmenn HFÍ og aðra félagsmenn. Verið hjartanlega velkomin á opna húsið.
Opinn handavinnudagur
Vorönn - handvinnudagar Halldóru hefjast fimmtudaginn 12. september 2019.
Alla fimmtudaga, kl. 13:00 - 17:00 býður Heimilisiðnaðarfélagið upp á opinn handavinnudag í húsakynnum sínum, Nethyl 2e. Útsaumur, prjón, hekl og bútasaumur. Tilvalið fyrir þá sem eiga ókláraða handavinnu inni í skáp. Handavinnudagarnir verða út maímánuð.
Leiðbeinandi er á staðnum, Halldóra Arnórsdóttir. Verð kr. 1.500,- fyrir daginn. Kaffi og meðlæti. Allir eru velkomnir á opna handavinnudaginn.
Kríluð bönd eru fléttuð með allt að sex böndum. Sumum aðferðunum fylgja skemmtilegar sögur um prinsa og prinsessur til að auðvelda lærdóminn. Kríluð bönd eru til margra hluta nytsamleg í alls kyns skraut og skreytingar. Börn í fylgd með fullorðnum velkomin - eitt gjald.
Ofin er spiladós úr hvítu pappírssnæri með mismunandi skrauti. Spilverkið er lag Jórunnar Viðar „Það á að gefa börnum brauð“. Námskeiðið hentar bæði byrjendum í körfuvefnaði og þeim sem áður hafa kynnst því handverki. Nemendur geta keypt efni og spilverk eftir námskeiðið til að taka með heim.
Hárvinna á sér langa hefð hér á landi. Á tveggja kvölda námskeiði er kennt að gera myndverk eða skartgripi, svo sem nælur úr mannshári. Aðferðin gengur út að útbúa lengjur úr hári og vír sem síðan eru mótaðar í mismunandi form. Nemendur hafi meðferðis mannshár (20 cm eða lengra), bandprjóna (sokkaprjóna) í mismunandi sverleikum, litla töng og lítil skæri. Þeir sem ekki eiga mannshár eða áhöld geta fengið hjá kennara.