Verslun

Í verslun / þjónustudeild eru seldar vörur til þjóðbúningagerðar, áhöld og efni í vefnað og í íslenskan útsaum. Lesa meira.

Námskeið

Heimilisiðnaðarfélagið býður upp á fjölda námskeiða á hverju ári. Smelltu hér til að kynna þér úrval námskeiða okkar.

Útgáfa

Sjónabók er handrit með munstrum sem notuð voru í útsaumi, vefnaði og til ýmissa hannyrða áður fyrr. Lesa meira.

Útsaumur

Svartsaumur - svart í hvítt

svartsaumurKennd eru grunnatriði svartsaums en aðferðin gengur út á að sauma myndir og munstur með svörtu þræðispori. Gerðar eru prufur en þátttakendur velja sér jafnframt viðfangsefni og hentar námskeiðið því vel bæði byrjendum og lengra komnum. Í síðasta tíma er farið í frágang. Efni í frekari verkefni fæst í verslun HFÍ. Nemendur sem nota stækkunargler er bent á að hafa þau með.

Kennari: Ragnheiður Sjöfn Jóhannsdóttir.
Lengd námskeiðs: 3 skipti = 9 klst.
Tími: 29. janúar, 5. og 19. febrúar - mánudaga kl. 17:30 - 20:30.
Námskeiðsgjald: 22.600 kr. (20.340 kr. fyrir félagsmenn) - nál, efni og garn í prufur er innifalið.

Hvítsaumur - hvítt í hvítt

hvitsaumurFarið er í grunnatriði hvítsaums en einkenni hans er að saumað er með hvítum þræði í hvítan hör. Gerðar eru prufur en þátttakendur velja sér jafnframt viðfangsefni og hentar námskeiðið því vel bæði byrjendum og lengra komnum. Í síðasta tíma er farið í frágang.

Kennari: Ragnheiður Sjöfn Jóhannsdóttir.
Lengd námskeiðs: 3 skipti = 9 klst.
Tími: 30. janúar, 6. og 20. febrúar - þriðjudaga kl. 17:30 - 20:30.
Námskeiðsgjald: 22.600 kr. (20.340 kr. fyrir félagsmenn) - nál, efni og garn í prufur er innifalið.

Harðangur

hardangurNámskeið í grunnatriðum harðangurssaums sem hentar vel byrjendum. Einkenni aðferðarinnar er flatsaumur, stólpar sem kastað er yfir og fyllingar í útklippt göt. Flatsaumur myndar nokkurs konar blokkir/þyrpingar sem raðast saman. Nemendur hafi með sér skæri og fingurbjörg. Í seinni tímanum gefst nemendum tækifæri á að byrja á stærra verkefni s.s. dúkum og milliverkum sem lokið er við heima.

Kennari: Ragnheiður Sjöfn Jóhannsdóttir.
Lengd námskeiðs: 2 skipti = 6 klst.
Tími: 21. og 28. febrúar - miðvikudaga kl. 17:30 - 20:30.
Námskeiðsgjald: 15.400 kr. (13.860 kr. fyrir félagsmenn) - nál, efni og garn í prufur er innifalið.

Refilsaumur - forn útsaumsaðferð

refilsaumurRefilsaumur er forn útsaumsaðferð en reflar skreyttu hús og kirkjur á miðöldum. Útlínur eru saumaðar fyrst og síðan er fyllt inn í fletina. Að lokum eru saumaðar aukaútlínur, andlit eða önnur atriði sem þurfa áherslu. Refilsaumur er einstaklega fallegur til að sauma út myndir og fyllta fleti. Nemendur læra aðferðina og velja litla mynd til útsaums.

Kennari: Ragnheiður Sjöfn Jóhannsdóttir.
Lengd námskeiðs: 2 skipti = 6 klst.
Tími: 24. og 31. janúar - miðvikudaga kl. 17:30 - 20:30.
Námskeiðsgjald: 15.400 kr. (13.860 kr. fyrir félagsmenn) - nál, efni og garn er innifalið.

Augnsaumur

augnsaumurAugnsaumur er ein þeirra útsaumsgerða sem einkennir gamlan íslenskan útsaum. Hvert spor myndar auga sem nær yfir fjóra þræði og eru sextán nálspor í hverju spori. Saumað er eftir reitamunstri þar sem hver reitur jafngildir einu auga. Saumurinn á að vera sem líkastur á réttu og röngu.  

Kennari: Ásta Kristín Siggadóttir.
Lengd námskeiðs: 2 skipti = 5 klst.
Tími: 13. og 27. febrúar þriðjudaga kl. 17:30 - 20:00.
Námskeiðsgjald: 13.000 kr. (11.700 kr. fyrir félagsmenn) - nál, efni og garn er innifalið.

Gamli krosssaumurinn - fléttuspor

isl krossaumurinnKenndur er gamli íslenski krosssaumurinn (fléttuspor). Nemendur gera fallega prufu með munstri úr Sjónabókinni sem síðar má setja í púða eða í ramma. Gamli krosssaumurinn er notaður í riddarateppið og er námskeiðið því kjörin undirbúningur fyrir þá sem hyggjast sauma það.

Leiðbeinandi: Ragnheiður Sjöfn Jóhannsdóttir.
Lengd námskeiðs: 2 skipti = 6 klst.
Tími: 20. og 27. febrúar - þriðjudaga kl. 17:30 - 20:30.
Námskeiðsgjald: 15.400 kr. (13.860 kr. fyrir félagsmenn) - nál, efni og garn er innifalið.

Þrívíddarsaumur - Hnallþóra

tertaMynd í ramma; sætabrauð og bróderuð flögg í þrívídd. Nemendur læra að yfirfæra munstur á efni með götun og olíulitum. Notaðar eru margar mismunandi útsaumsgerðir svo sem varpleggur, flatsaumur, fræhnútar og hedebotakkar. Verkefni í anda handavinnuskólans Skals í Danmörku.

Kennari: Katrín Jóhannesdóttir.
Lengd námskeiðs: 2 skipti = 6 klst.
Tími: 13. og 20. mars þriðjudaga kl. 18 - 21.
Námskeiðsgjald: 15.400 kr. (13.860 kr. fyrir félagsmenn) - nál, efni, garn og rammi  er innifalið.

Þrívíddarsaumur - suðandi býfluga

byfluga baeklingurÁ námskeiðinu er saumaður nálapúði / lítil mynd úr hör.  Viðfangsefnið er suðandi falleg býfluga. Útsaumurinn inniheldur m.a. gerð spírala og hedebotakka. Skemmtilegt kvöldverkefni í anda handavinnuskólans Skals í Danmörku.

Kennari: Katrín Jóhannesdóttir.
Lengd námskeiðs: 1 skipti = 3 klst.
Tími: 12. apríl - fimmtudag kl. 18 - 21.
Námskeiðsgjald: 7.000 kr. (6.300 kr. fyrir félagsmenn) - nál, efni og garn er innifalið.

Heimilisfang

Heimilisiðnaðarfélagið

Nethyl 2e

110 Reykjavík

 

 

Hafðu samband

Sendu okkur tölvupóst á This email address is being protected from spambots. You need JavaScript enabled to view it.

Hringdu í síma 551 5500

Kíktu til okkar í Nethyl 2e