Egypskur spjaldvefnaður
Lengd námskeiðs: 2 skipti = 6 klst.
Tími: fimmtudaga kl. 17:30 - 20:30
Námskeiðsgjald: 17.880 kr. (16.090 kr. fyrir félagsmenn)
Þessi spjaldvefnaðargerð er kennd við Egyptaland, en mynstrið myndar þríhyrninga og tígla sem vel minna á Egypsku pýramídana fornu. Oftast eru notaðir tveir litir og dregið er inn í spjöldin eftir ákveðnu mynstri og spjöldunum síðan snúið á sérstakan hátt til að fá fram mynstrið. þetta námskeið hentar sérstaklega þeim sem hafa áður lært grunninn í spjaldvefnaði.
Spjaldvefnaðurinn er ævagamalt handverk sem barst hingað til lands með landnámi en á sér miklu lengri sögu – allt að 3000 ára.
Eins og nafnið gefur til kynna eru spjöld notuð til verksins, ferhyrnd, u.þ.b. 8-10 cm á hverja hlið og eru fjögur göt á hverju spjaldi. Bönd eru ofin með spjaldvefnaði og ákvarðast breidd bandanna af fjölda spjaldanna.