Yfirhafnir kvenna

Flos, rósaflosFlos, rósaflos, hempuborði

Flos er efni sem í eru ofnir aukaþræðir sem þekja það með loðnu eða lykkjum eins og í flaueli, plussi og fleiri gerðum efnis. Í rósaflosi myndar flosið rósamunstur.

Hempuborði

Svartur, þverhandarbreiður skrautborði unninn úr íslensku togi, lagður niður hempubarmana frá hálsmáli niður á fald. Borðarnir gátu verið rósaflos, skinnsaumur eða þeir voru krílaðir.

Hempa, reiðhempaHempa, reiðhempa

Skjólflík kvenna fyrr á öldum, svört, skósíð og efnismikil kápa. Hempur voru upprunalega sniðnar eftir spænskum kápum sem voru í tísku í Evrópu á 16. öld. Í fyrstu mun hempan hafa verið viðhafnarfat heldri kvenna og þá skreytt flauelsborðum og ýmsu kvensilfri. Á síðari hluta 18. aldar var farið að leggja hempubarmana þverhandarbreiðum, svörtum borðum, ýmist rósaflosborðum eða skinnsaumsborðum, hvorir tveggja unnir úr íslensku togi.

KrílaKríla

Að bregða bandlykkjum á sérstakan hátt þannig að þær myndi snúru eða leggingu.

MöttullMöttull

Skjólflík yfir skautbúning og kyrtil, einnig notaður við upphlut eða peysuföt. Möttull er slá saumuð úr svörtu klæði, þykku satíni eða jafnvel flaueli og er fóðraður með svörtu, rauðu eða gráu silki. Möttull er lagður svörtu eða hvítu skinni meðfram brúnum allt í kring. Möttullinn er kræktur saman með möttulpörum úr silfri. Hann nær niður á eða rétt niður fyrir kálfa. Hugmyndin og nafnið er komið frá Sigurði Guðmundssyni sem hannaði möttul sem einn hluta skautbúnings. Fyrsti möttullinn var saumaður veturinn 1861-62. Hann var heldur víðari og styttri en nú, skreyttur útsaumi á brúnum og hnýttur saman. Fljótlega tók hann á sig þá núverandi mynd.

MöttulpörMöttulpör

Yfirleitt tveir hringlaga skildir, smíðaðir úr silfri, skreyttir víravirki og oftast gylltir. Með pörunum var möttullinn kræktur saman á móts við bringubein. Skinnsaumur Stórgerð blúnda úr svörtum togþræði og notuð á hempur og pils. Unnin með því að tengja saman ofin bönd, fótofin eða kríluð.