Luneville útsaumur - framhaldsnámskeið

Framhaldsnámskeið í Lunéville útsaumi

Kennari: Guðrún Elena Magnúsdóttir

Lengd Námskeiðs: 2 skipti = 6 klst.

Tímasetningar: 25. mars og 8. apríl - kl. 18-21

Námskeiðsgjald: 23.900kr (21.510kr fyrir félagsmenn) efni er innifalið

Þetta námskeið er ætlað nemendum sem hafa lokið „Byrjendaspor í Lunéville útsaumi“ eða kunna að minnsta kosti grunnspor með tambour/lunéville nál.

Kennd verður ný pallíettu aðferð, blandað vermicelli, þrívídd og frágangur með straujárni. Pallíettu aðferðin er góður undirbúningur fyrir Soie Ovale. Verkefnið er blóm sem hægt er að sauma á veski/flík eða nota í nælu. Vermicelli bikarblöð, pallíettu krónublöð og glerperlu frævlar. Mismunandi litasamsetningar í boði og val um sykuraðferð, háan handsaum eða miðháan handsaum í frævla.

Fínt að koma með Artline penna (2-6mm) en ekki nauðsynlegt. Mikilvægt að mæta með títuprjóna og lítil saumaskæri. Mæli með Bohin 24013 5in en storkaskæri henta líka.

Efni er innifalið (silki organza, filt, þéttofið ullarefni, franskar/ítalskar pallíettur, japanskar/franskar/þýskar glerperlur, málmþræðir, DMC + fil a gant tvinni og sterkur bómullartvinni).

Nemendur fá saumhring og tambournál til láns á meðan á námskeiðinu stendur.

Hámarksfjöldi nemenda er 7.