Prufuvefnaður með Guðrúnu Kolbeins
Kennari: Guðrún Kolbeins – aðrir vefarar til aðstoðar þátttakendum eftir þörfum
Lengd námskeiðs: 5 dagar =35 klst (28klst með kennara)
Tímasetningar: Frá kl 9-17 tekið er klst í matarhlé frá 12.30-13.30
23. júní – mánudagur Kynning á verkefnum; efni og aðferð. Hafist handa
24. júní – þriðjudagur Leiðbeint með prufur
25. júní – miðvikudagur Sjálfstæð vinna þátttakenda við sínar prufur
26. júní – fimmtudagur Leiðbeint með prufur
27. júní - föstudagur kl. Leiðbeint með prufur, frágang og ræddar hugmyndir um eigin verkefni þátttakenda út frá reynslu þeirra. Tekið niður úr stólum
Námskeiðsgjald: 115.000kr (103.500kr fyrir félagsmenn) efni er innifalið
Námskeiðið felur í sér að vinna með 6-7 prufur af mismunandi vefnaði. Allt efni er innifalið í námskeiðsgjaldi, uppsett er í alla stóla og haldgóðar upplýsingar á prenti um hvert verkefni.
Mikilvægt er að þátttakendur geti verið viðstaddir alla námskeiðsdagana frá kl. 9-17 nema viðvera er frjálsari miðvikudaginn 25. júní þegar kennari er ekki á staðnum
Hámarksfjöldi nemenda 9
Boðið er upp á eftirfarandi prufuvefnað:
- Bandvefnaður í vefstól; ofin eru tvö bönd í einu með mismunandi munstri, litum og breidd. Uppskriftir frá Eistlandi
- Gólfmottur/veggteppi; með tækni frá Peter Collingwood. Unnið með aðferð er nefnist Taqueté fyrir gólfmottu og nýstárlegur myndvefnaður á borðvefstól.
- Brellur í vefnaði; ofið með aukahlut er nefnist Railreed sem gerir kleift að breyta eiginleikum uppistöðunnar. Kadi Pajupuu frá Eistlandi hefur þróað þessa aðferð.
- MAGI MED TRÅDE; Uppskriftir frá Lotte Dalgaard og Poulette Adam þar sem unnið er með þræði sem breyta áferð voðar við þvott.
- Prufa af borðrenning; samsett binding af vaðmáli og tvö afbrigði af einskeftu.
- Áklæði unnið á 6 skafta stól úr bókinni Fjölbreytt munstruð einskefta eftir Guðrúnu Kolbeins.
Samskonar námskeið verður 11.-15. ágúst
